كلمة بلا معنى

عندما أراك أغمض عينى ... حتى لا ارتكب

.

ذنبا أخر

عيناك

عندما رأيت عيناك أول مرة ... أيقنت انها لن تكون الأخيرة

فقد عرفت عيناك من دون الأعين ... و صدقت انها ستلعب دورا فى حياتى

و بعد وهلة أيقنت ان لهما سحر عجيب ... و انى ادمنتهما

و أدمنت النظر داخلهما

و بعد أن أفترقنا ... و بردت عواطفنا ... لازلت لا أستطيع العيش دونهما

فعيناك ادمان حياتى الذى لا ارغب فى الشفاء منه

رواية يوتوبيا

قريت رواية يوتوبيا لدكتور أحمد خالد توفيق

بجد القصة روعة

مكتوبه حلو قوى

بس هى مأساوية شوية

من النوع الى تجيب احباط من وهى بتتقرى و يقعد معاك يجى اسبوعين كده

بس خلتنى افكر و دماغى بقت عاملة زى المكوك رايحة جاية

خلتنى اشوف افكار جديدة و بص من شطوط مختلفة لنفس البحر الى احنا كلنا فيه

و كمان اديتنى جمل بسيطة وانما تحمل قيمه فلسفيه عاليه جدا, ادينى خلاصه افكار كتير طول عمرى بفكر فيها و جوايا انما مش قادرة تترجم لكلام

يمكن عشان كده د. احمد خالد توفيق قعد عمره كله - فوق ال15 سنه - ماكانش ليه تجارب روائيه, عشان يقدر يطلع الحكمة دى من جواه و يترجمها لكلام جوه روايه

العنوان

يوتوبيا - المدينة الفاضلة-

و لكن من وجهة نظر من؟؟؟ هذا هو السؤال... من المستفيد و هل استفاد؟ هل يوجد كسبان و خسران؟؟ ولا كلنا خسرانين

الفكرة

الرواية قائمة على نظرة مأساوية جدا لحال مصر كمان 15 سنة و يمكن اجزاء منها متحققة فى حياتنا العامة و كل يوم بنسمع تطور جديد بيقربنا لفكرة الرواية

ببساطة شديدة منتجع للاغنياء به كل الخدمات و الهيئات و الشراين الدولةالرئيسية محاط بسور و امن خاص من جنود المارينز ,وترك باقى الشعب يمرح فى باقى الدولة او لنقل اطلال الدولة و يلقبوا بالاغيار و ما يحيوا حياة بشرية , فأنه اقرب الى الحيوانية

تقوم احداث الرواية بين بطلي الرواية , مواطن من يوتوبيا و اخر من الاغيار

و بين الصياد و الفريسة يتركنا احمد خالد توفيق لوضع نهاية المدينة الفاضلة
ويمكن يكون فى الفكرة القائمة عليها الرواية بعض الثغرات

و لكنك مش هتاخد بالك منها قوى

لأن القصة هتشدك لأحداثها

و قد تعتقد ان القصة خيالية بعض الشئ و مستحيلة التحقيق

لكنى احب اطمنك ان منير قال -لسة الامانى ممكنه-

و ان الواقع و بالذات واقع مصرنا وطنا, يفوق اى خيال و بمراحل

و هحاول اشدك للرواية شويه

ببعض الجمل التى علقت بذهنى اثناء و ما بعد قراءة الرواية

الخلاصة التى توصل لها بعد دقيقة فى هذا العالم هو ان هؤلاء القوم يتظاهرون بأنهم أحياء .. يتظاهرون انهم يأكلون لحما و يتظاهرون بأنهم يشربون خمرا, و بالطبع يتظاهرون بان لهم الحق فى الخطيئة و الزلل

**************

لغز هذا البلد هو ان هناك من يشترى فى كل وقت و باى سعر, و هو ما يثبت لك ان (ماركس) احمق على الارجح عندما تصور ان التوازن سيأتى فى لحظة لا يعود فيها الفقراء قادرين على الشراء

**************

ان الناس يجب أن تتزوج الا لكى تاتى للعالم بمن هو أفضل ...طفل اجمل منك.. اغنى منك..اقوى منك, ما جدوى ان يتزوج الشقاء من التعاسة؟ الهباب من الطين؟.. ما الجديد الذى نقدمة للعالم سوى المزيد من البؤس؟

**************

احيانا اشعر ان المصريين شعب يستحق ما يحدث له. شعب خنوع فاقد الهمة يحننى لأول سوط يفرقع فى الهواء

**************

ثمة شخص جمع الاوغاد و الخاملين الافاقين و فاقدى الهمة من ارجاء الارض فى وطن قومى واحد هو مصر.. لهذا لا تجد فى اليابان فاقد همة, ولهذا لا تجد فى المانيا و غدا.. لهذا لا تجد فى الارجنتين افاقا... كلهم هنا يا صاحبى

**************

ليست الثقافة دينا يوحد بين القلوب و يؤلفها, بل هى على الارجح تفرقها, لأنها تطلع المظلومين على هول الظلم الذين يعانونه, و تطلع المحظوظين على ما يمكن ان يفقدوه... انها تجعلك عصبيا حذرا.. دعك من تحول قناعاتك الثقافية الى دين جديد يستحق ان تموت من اجله, تعتبر الاخرين ممن لا يعتنقونه كفارا

**************

التكاثر هو رفاهية الفقراء الوحيدة..دعك من ان كل هؤلاء يعتقدون ان واحدا من ابنائهم سيغير كل شئ

**************

هذه ادوية لا قيمة لها الا انها رخيصة! اى انها تعطيك مزية ان تتعاطى شيئا ولا تنتظر الموت عاجزا

**************

هناك يتعاطون المخدرات ليفروا من الملل.. هناك يحترفون الدين لأنهم يخشون ان يضيع هذا كله, و هم لا يعرفون لماذا ولا كيف استحقوه

هنا نتعاطى المخدرات لننسى عذاب اللحظة.. هنا نحترف الدين لننا لا نطيق ان تكون معاناتنا هباء بلا ثمن.. العقل البشرى لا يتحمل فكرة مروعة كهذه والا جن

**************

لكل واحد منا فأره الذى يعتبره أثمن شئ فى العالم. ربما يراه الاخرون مجرد فأر حقير لكنه بالنسبه لك اهم شئ فى الوجود. ترى ما هو فأرى المدلل الاليف؟

و تسمحلى أسالك نفس السؤال

ما هو فأرك المدلل الاليف؟؟؟

بيانات الكتاب
المؤلف أحمد خالد توفيق
البلد مصر
اللغة العربية
الناشر دار ميريت

الإصدار 2008

عدد الصفحات 192

نفسى اسهرلك يا حبيبى علطول

و اكون جنبك ولا اكون مجهول

********

هسيبك للأيام يمكن تزورنى

لما قلبى ينام ,صحيه اوعدنى

********

أغنية جناح.... عايدة الأيوبى

على هامش رفض الحكومة استخدام اسلوب قطع الطرق كوسيلة من وسائل الاعتراض, و انه ضد القنوات الشرعيه

احب ان اذيع البيان التالى

بما أن القنوات الشرعية مسدودة, و عايزة تسليك, و عقبال ما تسلكوها, أستحملوا الطفح

فلقة فى شيش

صوتك فلقة فى شيش شباك

فى أوضة طفل فقير و يتيم

بتدخل صرصوب هوا

سائع و صاروخ

فى عز الشتا و النوات

**********

و بصوت مبحوح ... من كتر البرد

يصرخ و يقول

سدوا الشباك... مشوا الحراس

من ورا بابنا ... سيبوا حياتنا

تمشى كده بما يرضى الله

**********

فكوا اديكوا ... من على قلوبنا

القابضة عليها ... و غارزة فى عقولنا

**********

سيبوا نفسنا ... يشم هوا الصبحية

و لو مرة ......

ادوا الفرصة للى يستهلها و يقدرها

و لو مرة ......

سيبوا الحياة ترجع لأصلها الحلو

و ننسى العيشة المرة

جربت

جربت تنام.... وتحب الحلم فى نومك

أكتر من يومك

فيروز كراوية

صوتك بيبان

حسك طلع

صوتك و قام

هز الكيان ....... و زلزلة

********

صوتك بيبان

فتح عيونا المكممة

على دنيا واسعة

خضرة و مياة .... اهل و احبة

دايما هنا

********

لكن بيبانا المقفلة

مانعة الرؤية

نسمة و نور

توصل لعيون

عاشقة الظلام .... عاشقة الخنوع

كارهة الحرية

و التجربة

********

خايفة ليوم تخرج .... تموت او تتخنق

خايفة لتنجح

خايفة لتبقى نفسها

حابه الوجع .... و الهمهمة

********

لنفس حايرة

مش مركزة

لودن طارشة

مبتسمعش الا صوت

النواح و البكا

********

اضراب عام لشعب مصر...6ابريل

اتسألت ايه رأيك فى يوم الأحد؟

جاوبت و قلت قصدك الاضراب؟

اتقالى ايوه

بتاع 6 ابريل؟

اتقالى ايوه

قلت مبدهاش اقول رأيى وعوضى على الله

اضراب عام للبلد كلها!!!-

حاساها مزودينها شوية

اصل مفيش حاجة فى الدنيا ى اسمها ان كل شئ يقف

كل شئ

مينفعش

متحصلش

متجوزى

اضراب عام للبلد كلها!!!-
حاساها فوضى و عشوائية

و الفوضى مش شرط تكون بالصوت العالى و الدم و الحرايق

مش شرط تكون تخريب

الفوضى هى التفكير غير المنظم

و الفعل الاحمق

اضراب عام للبلد كلها!!!-

اليوم ده نتيجته حاجة من اتنين

* يا اما يحصل تغيير شامل و جذرى فى كل قطاعات الدولة , و تبديل فورى فى كوادر و قيادات المناصب العليا

* يا اما مش هيحصل اى حاجة فى اى حته

الاولى :اعتقد انها درب من المستحيل

و التانيه: هتسبب حاجة من اتنين

- يا اما : نكرر عملية الأضراب تانى و تالت و رابع, لحد ما البلد تقف تماما, و تبقى فى حالة شلل كامل و مستشرى

- يا اما : الشعب هتزيد عنده حاله الخنوع و اللامبالاه و يرمى طوبة البلد للأبد, و يغرق فى الذاتيه

و اعتقد ان الحل التانى هو الاوقع من بين كل الحلول و البدائل, لانه الاميل لكل الى بيحصل حوالينا و الاسلم للجميع

و حكومتنا هتعتبره يوم اجازة من العمل, و يوم صيام من الشعب, و يوم الصحة العالمى عشان مفيش مرضى

و دمتم

اضراب عام للبلد كلها!!!-

تفتكر لو احنا فى حالة حرب, او العين علينا, او مرصودين, او ان فى بلد نفسها تحتلنا

مثلا يعنى

تفتكر يعنى - و انا بقول يعنى- مثلا

ميكونش يوم 6 ابريل ده, افضل يوم يعملوه عملتهم فيه؟

و يبقوا هيلا بيلا جوه قلب البلد

حد هيرد عليا و يقولى

لا... لأن الشرطة و الجيش يكونوا فى وحداتهم و فى حاله الاستعداد, و ان استحاله يكون الاضراب ثغرة فى جسم البلد

هقوم ارد عليه واقولوا

تفتكربلد شعبها بجنوده ساخطين بالشكل ده, و نص الجيش و كل الشرطة و الامن المركزى هيكونوا فى الشوارع علشان يكتموا الشعب و يبردوا دمه, او يسيحوه- الاقرب و الاسهل طبعا

ما يكونش ثغره؟

انا معاك انه مش ثغرة, ده فتق فى بنطلون البلد من ورا, لا بيداره و لا بيترف

قوم ايه حد تانى يقولى

لا لا انت بتسرحى بخيالك بعيد قوى

حرب ايه؟ و احتلال ايه؟

هقم ارد عليه و اقولوا هو ممكن يكون احتمال بعيد, و لكنه مش مستحيل

لأننا فى وسط منطقة على حافه برميل بارود على رأى مراسلة حيفا

مع ملاحظة ان اسرائيل بدأت توزع اقنعة الغازات الكيمائية على شعبها بالكامل, تحسبا لأى قنابل تتحدف عليها و قد تكون قنابل غير طبيعيه, لأنهم ناوين يدخلوا فى حرب كبيرة و شاملة على كافه حدودها, المصرح به حتى الان شمالا على لبنان و جنوبا على غزة

كلمة كده من عندى, و قد تكون غربا على مصر

اضراب عام للبلد كلها!!!-

مش عارفة ليه حاساها لعبه كبيرة و بنتساق ليها

و اننا بنتساق بهبالة ناحية اتجاة , مفروض منمشيش فيه

اضراب عام للبلد كلها!!!-

رأيى و من الاخر

انه فعل احمق فى بلد حمقاء

.........................................................................................................

ملحوظة: المراسله المقصوده: مراسلة قناه ال lbc

و اشكر معتز و صبرى, الذى دارت بيننا الحوارات حول هذا الموضوع

غزة.... اسفة

اليوم يا غزة
انه اليوم الذى يظهر به معدن من يحبك
انه الاختبار
و من قبل ان اخوضه
اريد يا غزة ان اقول
أسفة
اسفه لخذلانى لك
اسفة لعدم ايمانى بنفسى
اسفة لوضع ليس لى فيه خيار
اسفة لكونى متخاذلة
اما بعد

............
تنحدرين يا غزة الى مشارف الموت
الموت يحيطك من كل جانب

و الاوغاد و المتخاذلين
و انا منهم
فهل تستسلمين يا غزة

............
فما بك من ضعف , يجعلك قوية فى عينى
فانت انت البطل
و لست انا
انت من تصمدين فى وجة الموت
و انا مترفة فى حضن الحياة
انت من تقاتلين فى الظلام
و انا تائهة فى نهار الله
انت من تؤمنين بالعدل بقلبك
و انا اراه, و مازلت اريد البرهان
انت من تقطعك الفرقة, ولازلت مترابطة
و انا التى تمزقنى نفسى
............
ليتنى يا غزة مثلك
فمع ضعفك و فقرك و تقطعك
لازلت اجمل المدن فى عينى
و مازال دمارك اقوى من امنى
............
فان الامان فى القلب و ليس فى وجود الحرس
ان الثقة تأتى من اليقين بالله
و ليس من الاخرين
ان الحب لا يشترى, ولكنه يتفجر من ينبوع الروح
التى هى من نفس الله
............
منذ سنوات كتبت دفاعا عنك
كفى... كفى كذبا و خداعا
كفى... جبروتا و احتلالا
منذ سنوات كنت اشعر داخلى القوة لقول كفى ولا
كان داخلى حلم اليقين, ان صلاتى لن تكون الا بك
ان عائلتى لن تبقى سوى اهلك
............
و لكنى اليوم يا غزة
لا اجد داخلى القوة
حتى لقول نعم
لا اجد الروح التى دوما كانت داخلى
لا اجد سوى نفس مكسورة, حزينة
لا جدوى منها, حتى لأنقاذ نفسها
............
اسفة يا غزة

لأنى ادير ظهرى لك

لغلق اذانى عن كل اخبارك
لكونى لا ارغب فى سماع المزيد عن الامك
فأنه يؤلمنى... حقا يؤلمنى
اشعر بقلبى يعتصر
كلما سمعت عنك نبأ
فانه لا على المريض حرج
و قلبى بك مريض
............
اسفة يا غزة
لأنى لا اقوى على مساعدتك
ولا على الوقوف وراء حقوقك
و لكنى بالعكس
راغبه منك ان تنقذينى
............
اسفة لكونى ضعيفة ... هشة
بلا ارادة ولا روح
............

و انت يا غزة
لك الله, و من هم روحهم سليمة
لا يزال يدب فى قلبهم الحياة
اما انا فخيارى
الحياة و سحب الاعتذار
او الموت بقلب مريض و رغبة فى غسل مساجدك بدموعى