كوكبنا يحترق

أنقذ الأرض
.
أرفع يدك عنها
.
حكم عقلك ايها المغرور
.
وأعلم انك يوم ان تشعر بالمشكلة, فقد فات الاوان
.
وعندما تريد ان تضع يدك مع الاخر, فلن تجده
.
وستجد الموت يحصدك
------------------------------------------

التغير المناخى

الأحتباس الحرارى

عالم الرجال

لماذا لم أفكر بالزواج من قبل؟ يا لغبائى

أريد أن اتزوج الأن, فالنداء ناد و يجب ان ألبى, ولكن لا توجد أى فتاة من حولى يتحرك لها فؤادى, كانت فى يوم توجد تلك الفتاةالتى أريدها وبقوة وكانت تبعث لى تلك الإشارات بأنها تتمنانىو لكنها مرت فى حياتى فى فترة لم تكن فكرة الأرتباط تمر بخاطرى, فأمرت قلبى ان يتجاوزها

ولم تلح على فكرة الزواج وبشدة ,إلا لما مرت من امامى كل الفرص الجيدة, و أصبح قلبى عجوزا على الحب ... يا لغبائى

ليلة حالمة

وحيدة هى على شاطئ البحر تسند بيديها على رمال الشاطئ الناعمة, تراقب سحابة رمادية بعيدة بعد الأفق تتحرك ببطء نحوها, أدهشها ضوء البرق القدم من نصف الكرة المقابل , فقد كانت اول مرة ترى ذلك المنظر الخلاب الذى ذهب ببصرها

فتحت عيناها مشدودة للمنظر فبرق لون عيناها البنيتين فى ضوء نجوم بدأت تتوارى خجلا من جمالها

شعرت من داخلها بجمالها وانها تبدو كأميرة الحواديت, إبتسمت بسمة فاتنة وتمنت لو أن أمير الحواديت يمر فى تلك اللحظة ويرى ذلك البهاء المنبعث منها ويشدة ليتأملها, ليخرج من حقيبتة ورقة و فرشاة كمحاولة لنقل روح الله فى الأرض على ورق

أخفضت رأسها لتمنع نفسها من الغرق فى بحر الخيال و أغمضت عيناها لتتذكر ذلك الحبيب الذى لا يشعر ابدا بوجودها

سقطت دمعة ساخنة على رمال الشاطئ لتمتزج ملوحتها بملوحة ماء البحر و نقاء مطر الشتاء , معلنا إنتهاء ليلة حالمة

منتهى القسوة

لماذا تبدو الحياة فى بعض الأوقات فى منتهى القسوة؟

فقد كنت دوما اخاف خوفا كبيرا أن تمر حياتى عادية... عادية جدا, ولكن حياتى كانت حياة عادية, وحتى الان هى عادية جدا, ونسبه ان تنتهى نهاية عادية جدا جدا نسبة كبيرة فعلا ... مجرد حياة مر بها اخرون فى كل مكان و على مر العصور.

لم امت بعد ولكنه الخوف لا يزال يلازمنى من الوتيرة الواحدة,واحدة من ألوف البشر تسير فى شارع جانبى من شوارع الحياة لا يميزة شئ.

إن السير فى شارع ممهد من اول الطريق لأخرة, لهو الجحيم ذاتة

البيه رومانسى

احذر كل من هو انسان

له عقل يفكر به

ولديه قلب ينبض دقات عادية

بعدم الدخول للعالم الرومانسى الذى يريدنا البيه محمد امام بدخوله

انذركم واحذركم من سم قاتل يدعى ال السبكى فهو مميت

و فى النهاية

انا اسحب ثقتى نهائيا من محمد امام و عذرا لن اكسبك مليما اخر من مالى يا سعادته البيه

و اسحب ثقتى من لبلبة لحين الرجوع عن ذلك الطريق

و ان كنت استميح العذر لبلسم السمرة, ولكنى انصحة ان الأنتشار لا يكون فى تلك الأفلام لانك تخسر منها اكثر مما تكسب

ولن يشفع لك إجادتك للدور ولا ان تكون زوج دومينيك حورانى وتقبلها

و اخيرا لطمة على خدى لعدم قراءاتى ان مؤلف الفيلم سيد السبكى

أهلا أهلا بالعيد

مرحب مرحب بالعيد

المدونة مغلقة 3 ايام

حزنا على المفكر العظيم الدكتور مصطفى محمود

أدخلة الله فسيح جناتة و تجاوز عن خطاياه

سئمت الانتظار

من عمرى جنبك قد ايه

وقتى اتسرق وبعيش على

امل إن بكرة هعيشة بيك

أغنية واحده بتحبك لأنغام

*******

سئمت الانتظار

و ألم الجهل فى الحب

شعور مجهول حتى لى

ستارتان غليظتان

لا يقوى اى طرف فى ازاحة طرفيهما

عفوا قلبى, انى ارفض اهدار حياتى

فى الأنتظار

وانت يا عقلى, كن اقوى من ذلك

و اخضع القلب لأرادتك

كن قوى, وإجعلنى معك حرة

فقد سئمت ان يظل طرف عينى

مشدوه مشدود باخر

وباقى جسدى يسير فى الحياة

وللعلم ليس إلا

حزنى ليس من فقدان الأمل

وانما الحزن قديم

قدم الأمل ذاته

لأنشقاق ذاتى عن ذاتى

لإفتراق قلبى وعقلى

لضياع انسجامى

أمنيتى ان تاتينى بقلبى

لتضعه مكانة وتداوى الجرح

و لكن لو لى نصف أمنية فقط

فإنى اتمنى ان تطلق سراح قلبى

لتعود لى ذاتى

******

انا من غيرك او بيك

مش واقفة حياتى عليك

وبعيش وهعيش

أغنية مهزومة لأنغام

حرف الحياة

تاه أمل وادينا مستنين

ان من بعده يتولد أمل جديد

بس الظاهر إن نبعه جف

وبير الحياة إتردم بالرمل

ووش من غير ملامح معدى

حب يشوف ملامحة على وش  المياة

بص لقى قدامة كوم تراب اسود

نفخ من حسرته... فطار السواد

حمله الهوا لمسافه صغيرة وبعدين سقط

جوه نن عين الشاب

غمض عينه بالجامد من الوجع

لحد ما نزل السواد بدمعه

والدمعه طريقها إانتهى على كوم السواد

عدت سنين وسنين

و إتبدل الحال و اتغير المكان

بقى بستان اخضر وجميل

و اجمل ما فيه شجرة ضخمة

خضارها واصل السما بالأرض

ومكانها على حرف كوم اخضر

بيقولوا تحته كان بير فى يوم

عدى عجوز من غير ملامح

وسند ظهرة على جذع الشجرة

غمض عينه و اتنهد

فتح عينه و قال انا فين؟

وغمض عينه تانى ومفتحهاش

نزل التراب جنب دمعتة القديمة

الحياة قاسية صعبة 

معرفش فيها الأمل

معرفش غير الألم

لحد ما عصره لاخر نقطة جواه

ولما نشف زى البير إترمى على الحرف 

رمضان جانا .... عام 1430

رمضان

رمضان السنة دى حاساه مختلف

فى احساس قوى ان فى فرحه اكبر من السنة الى فاتت

رمضان أحلى شهر فى السنة أحلى ايام فى العمر

روح حلوة... ولمة تحلى .... وانفراد بالذات ممتع... وقرب لله جميل

يا رب لا تكتب علينا الا ان نكون من عتقاء رمضان

همة عالية و بسمة رايقة وروح هادية

............................................

من فضل رمضان ان فيه تفتح أبواب الجنة وتغلق أبواب النار، لقول النبي محمد صلى الله عليه وسلم 

إذا كانت أول ليلة من رمضان ‏ ‏صفدت ‏ ‏الشياطين‏ ومردة ‏الجن وغلقت أبواب النار فلم يفتح منها باب وفتحت أبواب الجنة فلم يغلق منها

 باب ونادى مناد يا ‏ ‏باغي ‏ ‏الخير أقبل ويا ‏باغي ‏الشر أقصر ولله عتقاء من النار وذلك في كل ليلة

.............................................

ريحة الجنة مالية روحى, او اتمنى ذلك, وممكن تكون ان ريحة النار هى الى راحت

يا رب كل الناس تدوق طعم القرب الى الله و مناجاه الله, يا رب ما تحرمنى منها

يا رب

جرب كده تنطق الكلمة, هتلاقيك بتتنهد من قبل ما تنطق حرف الراء, تنهيدة تحس انها هتوقف قلبك, و بتطهر روحك

كلمة حلوة و بسيطة وقريبة من الروح و العقل و القلب

بجد بحبك يا رب, بحبك قوووووووووووى

...........................................

النهاردة اول يوم احلم بجدتنى ( الله يرحمها) دى اول تباشير رمضان بالنسبالى, صاحية مبسوطة قوووى لانى مكونتش بحلم بيها طول الخمس سنين الى فاتوا, وكلمتها فى الحلم و حضنتها قوى و كمان قريتلها الكف

واحشتينى يا تيته قوووووووووووووى

........................................

انا ناوية بأذن الله ان دعواتى السنة دى هخليها دعوة واحده لمده 29 يوم رمضان - اه 29 انتوا مسمعتوش ان رمضان السنة دى بأذن

 الله 29 يوم بس - دعوتى هتكون لمصر و للمصريين يعنى أمى و أهلى

هدعى ربنا انه يحفظ مصر من كل شر حتى من شر ولادها, وهدعى ان ميكوش ولينا أسؤا من فينا, وهدعى أنه يقوينا و يحمينا من شر نفسنا عشان احنا الى نعمل التغيير ونحمى بلدنا

أقدر أطلب من كل حد انه ماينساش مصر من دعائة و أمانية خلال الشهر الفضيل

.............................................

انا هقوم دوقتى أصلى التراويح و بعد كده هعلق الزينة قدام باب شقتنا, حد يحب يجى يعلق معايا؟؟؟

صحيح متنسوش تدوسوا على كلمة رمضان الى فوووق دى

و كل سنة وانتوا طيبين و رمضااااااااااااااان كريــــــــــــــــــــــــــم

و يجمعنا دايما 

أنا إنسان

غصبا عنك انا انسان

رغم البعد ما بينى وبينك

رغم حياتى, رغم حياتك

أنا إنسان ... و زى زيك

تفاصيلى هى تفاصيلك

وحياتى رغم صعوبتها

بعيشها و انا ونسان

وعلشان كده أنا إنسان

******

ضنك حياتى وبؤس طريقى

وعليهم فى جبينى تجاعيدى

لكن عيشتى جنب نيلى

بتخلى قلبى دفيان

ومن قلبى بقولها أنا إنسان

******

وطنى حياتى رغم الضنك

عيلتى, عيالى هما امالى

وبرغم تفليسى فى البنك

بانام وانا ضميرى خالى

من اى احساس بالذنب

و بأحس ان أنا إنسان

من تفاصيل كتيرة حواليا

لما الاقى واحد غلبان يبتسملى

لما عينية تيجى فى عينيا

من ضمة جده لحفيدها

تحكيلوا حكايات اجدادها

من زمان ولحد الأن

وأصرخ واقول أنا إنسان

******

أحاسيسنا واحدة يا عالم

ودموعنا مجراها واحد

حزن, فرح, شوق والام

لكنا احنا نسينا و تاهت

انسانيتنا وسط الحياة

لكن رب الكون الواحد

عمره ما ينسى ولا هيظلم

واهه جاى يوم الحسبان

وانت يومها هتيجى بنفسك

تعترف بكونى انسان

15-06-2009

لقاء مع اسماعيل ياسين

Wonderful Words from a Wonderful Pearson....

ضحكه

ضحكت ضحكه هزت قلوب ملايين

تمنوا الاف منهم يكونوا يوم قربها

ميات قالوا فى سكتها احنا ماشيين

وعشرات بس منهم بقوا فعلا جنبها

بس واحد, هو واحد الى فى سكته هى ماشية

ومش شايفة غيره و البقية بتعتبرهم حاشية

حاجة

طالع فيها كده ليه يا نحل وباصص لفوق
متكونش فاكر نفسك صاحب الملكوت
لا أصحى و أسمعها منى يمكن تفوق
لا انك عالى دا يخلينى ابصلك بأنبهار
ولا كون النمل غير مرئى
يخلينى أبصله بإحتقار
انت حاجة وهو حاجة و أنا حاجة
وكل حاجة فى الكون ده ماشية فى مدار

ايمان

ما أصعب الحياة .... وما أشقانا

جد لى مكانا فى هذا الكون الفسيح, لأشعر فيه بالأمان .... ولكنى اراهنك ان تجده

فالدنيا يا عزيزى ليست دار امان

فنحن قد خلقنا كى نبحث عنه فى دنيانا..... ولكن الدنيا خلقت دونه

فهكذا خلقنا الله, نعيش أعمارنا بحثا عن شئ, لنكتشف فى النهاية انه سراب

أبحث.... فلن يجدى بحثك, ولتقطف مر الثمار من أشجار الحياة

حتى تشتهى حلاوة الأيمان

جدار الأخر

أتحسس جدار الأخر بحذر, خوفا من أن اخدشة , أتمنى ترك أثر عليه دليلا على وجودى يوما ما هنا و لكنى اخشى من ان يكون الجدار غير قابل للحفر أو ان يكون الإنطباع سيئا

ادرك  ويكاد يكون إدراكى يقينا ,أن الجدار ليس سوى ستارة خفيفة و لكنها معتمة وليس على سوى إزاحتها,لكى أملك قلب الأخر, ولكنه الخوف

الخوف من المجهول... من الأخر... من الدنيا

هو ما يجعلى أكتم أنفاسى و انا بجوار الجدار حتى لا  يحركه هواء شفتاى

أظل أدور حول الجدار و كأنه كعبه أقدسها, علنى اجد بابه مواربا , ولكنى لا اجد بابا ولا أزيح ستارا ولا اتركه لحاله و أسير تجاه جدار أخر

هكذا هم البشر , جدران مغلقة على الأنفس تسير بحذر فى دنيا الخوف

حبك بيقل

نفس المكان ونفس البضاعة

بس الناس بقوا غير الناس

أقدر أعلن و بكل صراحة

إن المكان فقده الأحساس

روح البلد بتوه بالراحة

وفى هدوء بتطلع الأنفاس

حاسه بغربة غريبة ووحشة

وكانى مضروبى على الراس

حبك يا بلدى نقطة ورا نقطة

بقى بيدلدق من قلب الكاس

كارهه إحساسى بضعف حبك

لكن الحال بقى غير الحال

أهلك أرضك حتى هواكى رخصوا

بعد ماكانوا فى السوق غالى

لخصوكى يا بلدى فى ورقة

وبقيتى كلمة فى قانون الإختزال

بحبك و بتدمع عينى من ذكراكى

مهما كان حالك فوق الاحتمال

بلدى فى قلبى و هتفضل دايما

كلمة جميلة ما تخطر على بال

..............................................................................

الصورة المرفقة تدعى جروح وهى من تصويرى

يالحياة الحلوة ... خلف تلال السعادة
كيف الطريق إليك؟
و بينى وبينك شارع المأساة
اوله يوم الميلاد
و اخره
نهاية الحياة
........................................

الصورة من تصويرى لحارس مسجد حسن فتحى بقرية القرنة, الأقصر, مصر

ورقة بيضة

قلبى ورقة بيضة مقطوعة

لا حد كتب عليها.... ولا إتشافت حتى

ورقة مرمية على أرض أسفلت فى يوم مطر

الرايح والجاى بيدوس عليها ولا شايفها

ومع اخر نقطه مطر... بقت بسوى أسفلت الطريق

و لونها بيقلب على أسود غطيس مع كل ضربة قدم

بس فضل فيها جزء أبيض كان مطوى

محمى من باقى الورقة

حست الورقة انها لسه ورقة... ليها لازمة

و أول ما جت تشم نفسها.... وتحاول يقومها قومه

عدى طابور عسكرى بضربة قدم واحده

هبدوا الهبده.... فوق طراطيف الورقة البائسه

جابوا ضلفها

كمل الطابور مشيته لمكان مجهول

وبقيت الورقة ياعينى تنوح .... على أمل مكملش ثوانى

ورغبه ماتت قبل ما تتولد

و الورقة البيضه بقت صدى ضعيف فى دنيا الزحام و الأصوات

لاعمرها أتحست ولا حد درى بحكايتها

الجمود الشفاف

اعيش داخل مكعب الجمود الشفاف. أرى الحياة خارجه تسير بالأخرين فى كل إتجاه

أما انا...... أما أنا

انا لا وجود لى فى هذا المهرجان

فأنى أتحول ببطء الى بقعة معتمة بمكان مهمل على حدود مكعب الجمود البارد

لأفرغ مكانا لبقايا أنسان اخر يود أن يتجمد

...............................................................................

و هذا سبب جمودى فى الفترة السابقه و أعتقد ان الفتره ستطول

انى مسافره اليوم الى الأقصر و اٍسوان و أتمنى ان حرارة المكان تفك جمودى و اعود حيه

أتمنى

قيود كفى

أستيقظ صباحا و لكنى لا اجد نهار, أجد ليلا معتم قابض الأنفس خارج النافذة, أدقق النظر لأجدها ليست نافذتي, ولا الغرفه غرفتى

لا أرى شيئا ولكنه الأحساس بأنى لست فى مكانى المعتاد, ايضا رائحة المكان كانت مقبضة, أشعر بأركان المكان بها وحشة تشد روحى اليها

اقاوم قيود روحى المعتله ولا استطيع الفرار منها, لأجدنى بلا ادنى سلطان على يداى

اغمض عينى و احاول ان انظم انفاسى علنى استطيع ترتيب افكارى

احاول استعاده ذاكرتى و ماذا حدث, و لكنها تخوننى, دائما ما تفعل ذلك تبيعنى فى اصعب المواقف و كأن عقلى غطاء زجاجة جسمها مشروخ, مع كل محاوله لأحكام غلقها تفلت منك مع بزوغ الأمل داخلك بأنك فعلتها

تبا لكل الزجاجات ولعقلى الذى يخوننى و لكل ما هو

و فجأه شعرت بوجوده

شئ ما يتحرك حولى بهدوء, اشعر بخطواته, خطواته واثقة هادئه, بأنفاسه منظمة , بعينيه تدور فى انحاء الغرفة ثم تثبت على, على قيدى

لا اقوى على الحركة ولا على أخذ انفاسى, احكم غلق عيناى, فهى ما تبقى لى عليها من سلطان

من هو؟ ماذا يريد؟ اين انا؟ وماذا حدث؟ والشؤال الأهم هو ماذا سيحدث؟

لم يدعنى لتساؤلاتى كثيرا, فما لبث ان شعرت بقيد يداى يتحرك بنعومة, فأدركت انه يريد ان يمسك بزمام الأمور

و بمنتهى الهدوء و بدون ألم, أحكم قيدى

و بدأ يتحرك خطوة خطوة, فزعت لكونه بدأ فى التحرك

الى أين؟ و كيف يأتحرك و انا مقيدة, خلال لحظات سينتهى طول القيد و سيبدأ فى الجذب, فماذا سيحدث لى

ها قد بدا القيد فى الجذب

و لكن ..... مهلا

من قال انى مقيدة الأرجل, أو انى لا أستطيع الحركه, صحيح انى مقيدة الأيدى, و لكنها ليست كل أطرافى

و بدأت انتبه الى ان الحجرة التى كنت أقبع بها كل تلك المده هى غرفتى, و ان النافذه نافذتى, أدركت أن الأنوار موجوده, و انى اقوى على النظر, استطيع الرؤية و استطيع الحركة و التفكير, انى حرة

و عندما نظرت الى حامل قيودى, أدركت

أدركت انه الشيطان يسير بهواده حاملا بين يداه قيود كفى

.

رائحة الحياه اليائسة أبشع من رائحة الموت بشرف

.

فنزويلا تطرد السفير الاسرائيلي بسبب الحملة العسكرية على غزة

و احنــــــــــــــــــا قاعدين

ورئيس الوزراء التركى رجب طيب أدوغان قال ان العدوان الاسرائيلى على غزة وصمة عار فى جبين الانسانية

و احنــــــــــــــــــا قاعدين

يا رب سهلها علينا و خلينا نقف شوية, لحسن ركابنا تتيبس

اليوم الدموى

الصورة من موقع الجزيرة لتحضير الجيش الأسرائيلى للدبابات

انه اليوم السبت الموافق 3-1-2009

إسرائيل تبدأ توغلا بريا بغزة وعدد الشهداء يصل 460 وأكثر من 2300 جريحا

جبروت الظالم يأخذ منحنى جديد, و العالم من حوله طفل صغير مشوه بلا عقل و مكتوف الأيدى

أتمنى و فقط أتمنى ان المقاومة و حماس, ان تكون لديها مفاجأت تقلب الموقف

لا كلام يقال و لا فعل يفعل

لا وقفات ولا مظاهرات ولا تبرعات

فلنبق كما نحن , ونتركهم يقاوموا و ربنا يساعدهم و يقويهم

و لندعى نحن ان يرسل جنوده لتدافع و تحارب معهم

فلم يبقى غير الدعاء لنا

و المقاومة لهم

..............................................

يــــــــــــــــــــــــــــــــــــــــــــــــــــــــــــــــــــــــــــــــــــــــا رب

من لنا و لهم غيرك

نسايم الحرية

مع الساعات الأولى فى عمر العام الميلادى الجديد, و الأيام الأولى فى عمر الهجرى أيضا,وجدت داخلى بعض كلمات الأمل, عسالحاله التى لازمتى الفترة الماضية, و أحساسى بالشلل التام فى حياتى, كلمات أتمنى ان اقولها فى يوم قريب, قد يكون فأل حسن بعام جديد به بعض الرحمة ليعوضنا عن تعاسة العام الفائت

*******

يا نسايم الحرية هبِ

على وشوش مشتقالك

بعد طول انتظار و غيبة

راجعة لقلوب مستنياكِ

واحة راحة فى وسط صحرا

صفرا قاحله من عيدانك

نبع زمزم صافى مرمر

طعمة يروى عطشانيكِ

عربى يلقى اخوه العربى

يدفس راسه فى قلب حضنه

ياخده من ايده و يركع

ركعه شكر فى أقصى مسجد

تنزل دمعة شوق و حب

تطهر الروح و الأرض

يجى عربى تانى خالص

يمسح بكمه الدموع

يرفع أخواته و يضحك

يبتسم لأحلى عيد

عيد تحرير كل عربى

عيد تحريرك يا فلسطين
*********

الصورة المرفقة لمسجد قبه الصخرة, القدس, فلسطين