Friday, September 9, 2011

وقفة مع النفس

انا بجد فى كلمة نفسى اقولها  ونفسى الناس تسمعها
احنا دلوقتى فى فترة مهمه جدا على كل المستويات, فترة زى ما بيقولوا كده لحظة اعاده الحسابات - اللحظة دى فى رأسى بتبقى هدية من عند ربنا, انه يدى الانسان الفرصه انه يعيد حساباته واولوياته, يبص حواليه ويشوف دنيته كانت ماشيه ازاى , يقيم تجربة ويقدر يبدأ تجربة جديدة لو عايز فى اى مرحلة فى اى عمر فى اى وقت واى مكان
احنا محتاجين قووى الوقفة مع النفس دى, عشان خاطر كل حاجه حوالينا
-عشان خاطر الناس الى ماتت عشان بتحلم ببكره جميل
- عشان خاطر بلدنا الى ان الاوان اننا نبنى فيها ونبنيها بجد
- عشان خاطر مجتمعنا واهلنا فى بلدنا الى فعلا نقدر نعملهم حاجه وكان فى 100 عائق وعائق واقف بينا وبينهم
- عشان خاطر نفسنا ومستقبلنا الى من حقه علينا اننا نحسنله التدبير
- عشان خاطر ولادنا واحفادنا الى مفروض ندبرلهم ونفكرلهم فى بكره أحلى
- عشان خاطر ربنا الى واجدنا عشان نعمر الأرض ونفتكره دايما عشان مانتوهش فى السكه

وعشان كل ده, قيم نفسك بنفسك أعرف عيوبها وصلحها , ومميزاتك وكبرها, نمى مصلحة بلدنا واهل بلدك على مصلحتك الخاصه مهما كانت الدوافع 
ارجوك اللحظة التاريخيه دى لا تحتمل اى اراء مذبذبه, تحتاجك قوى ومنتمى
استقيموا يرحمكم الله

7 comments:

  1. مقالتك رائعة وياريت كل الناس تشوفها ، ومش بس تشوفها ، لاء ياريت يعملوا بيها يااااااااارب

    ReplyDelete