Tuesday, October 2, 2007

مش فاهم


مش فاهم

ازاى تقول مش فاهم

ازاى... ما انت فاهم

و كلنا فاهمين

.

ترجع تقول مش عارف

ما انا عارفة ان انت عارف

اننا كلنا مش عارفين

.

و العارف لا يعرف

لأن التعريف غير معروف

.

والى مش فاهمة النهاردة

بكرة الايام مش هتفهمهولك

.

لأنك لو عايز تفهم

لازم تفهم

ان اوان الفهم مجاش

وان المعرفة معرفتش ان اوانها حان

.

انما لازم تبقى عارف

انك عمرك ما هتعرف

غير لو صممت

على انك تعرف

و تفهم

ملحوظة ملهاش دعوة بالموضوع, الصورة الى فوق بتفكرنى قوى بصلاح جاهين

No comments:

Post a Comment