Monday, April 7, 2008

فلقة فى شيش


صوتك فلقة فى شيش شباك

فى أوضة طفل فقير و يتيم

بتدخل صرصوب هوا

سائع و صاروخ

فى عز الشتا و النوات

**********

و بصوت مبحوح ... من كتر البرد

يصرخ و يقول

سدوا الشباك... مشوا الحراس

من ورا بابنا ... سيبوا حياتنا

تمشى كده بما يرضى الله

**********

فكوا اديكوا ... من على قلوبنا

القابضة عليها ... و غارزة فى عقولنا

**********

سيبوا نفسنا ... يشم هوا الصبحية

و لو مرة ......

ادوا الفرصة للى يستهلها و يقدرها

و لو مرة ......

سيبوا الحياة ترجع لأصلها الحلو

و ننسى العيشة المرة

No comments:

Post a Comment