Friday, July 4, 2008

للعذاب ذكرى



بتحبينى؟؟

أيوة بحبك, بس مش هو ده السبب

سبب! سبب ايه؟

فى أنى عايزاك

ليه هو الحب مش كفايه؟؟

مش عارفه, بس كل الى عارفاه ان مش كل قصص الحب قدرت تعيش, ولا تقاوم ضغوط الحياة

إزاى بقى!!؟ الحب لو كان حقيقى هيعيش

مش شرط,لأن مش مضمون ان الأحساس نفسه يفضل



هو بياخد شكل تانى مختلف, بالذات مع طول المده, وبيدخل معاه عشرة وتعود كده يعنى

بس تضمن انه ميضعش

هو ايه؟؟

الأحساس بالحب نفسه

يبقى انتى مابتحبيش بجد, مادام بتقولى كده

بالعكس, انا متاكده من حبى, بس بقولك انه مش كفايه

امال ايه الى يكفيكى ويرضيكى؟

حاجة خلاص حصلت مش لسه مطلوبه

أنا مش فاهم حاجة من كلامك

عذابى فى حبك هو ضمانى لأستمرار حبى

أزاى , مش فاهم قصدك؟

الحب ذكريات عمرى, و العذاب ذكرى بتحضرنى للمستقبل

هاه, سمعك 

احاسيس الحب جميلة زى الحلم, بنتمناه بس بنبقى عارفين انه مش لينا, مش دايم,أنما العذاب بيعلم فى القلب و الروح, بنعيش و نموت بيه

و مع كل لحظة عذاب أتحفرت معاها فى قلبى, حبك, وبقى علامه مش ممكن تتمحى  

و الحب ميقدرش يعمل كده؟

الفرحة مبتتحفرش فى القلب, على قد العذاب

أفهم من كده أنك بتفضلى العذاب على الحب

لأنه أبقى



12 comments:

  1. الحب يذهب والعذاب هو من يبقى

    ReplyDelete
  2. بالضبط
    انت جبت من الاخر
    و عندما تتعذب للحصول على شئ, يحفر فى قلبك قيمة اكبر من الحب
    و تعرف قيمته

    ReplyDelete
  3. يا للصدف!!!!!!!!!!!!!

    لم ادرك الا الان اننا نتحدث فى ذات الموضوع وفى ذات اليوم !!!!!!!!!!!!

    موضوعك "للعذاب ذكرى"

    وموضوعى "حبى الأول " على مدونتى

    god-of-luck.blogspot.com

    نحن نتحدث عن نفس الثلاثية

    ثلاثية الحب الذكرى العذاب

    يبدو ان الالم واحد لكلانا

    ReplyDelete
  4. انا فعلا لاحظت تقارب وجهة النظر
    و حسيت موضوعك قوى
    و مبروك لمدونة الجديدة
    و عقبال البوست ال 1000
    ان شاء الله

    ReplyDelete
  5. ماليش في الموضوع ده الحقيقة لكن... بخصوص العذاب.... احتمال حدوث السعادة افضل بكتير من العذاب الاكيد...

    انّا خلقنا الانسان في كبد... كده كده مش قطعة دونات... ومافيش حاجة اسمها سعادة وانت لوحدك... سواء اللي معاك ده صديق او اخ او زوج او حتى خادم المهم انك مش لوحدك....

    ReplyDelete
  6. طبعا الانسان عايش فى الدنيا بيدور عل السعاده
    انما لما السعاده تيجى بعد اشتهاء و حرمان كتير
    بتبقى معناها اقوى و اثرها ممتد
    ده الى انا كان قصدى عليه
    مش قصدى فكرة ان العذاب الصرف هو مبتغى الحياه يا ايه
    عارفه زى ايه؟؟
    مكن اشبهها بان الى بيجى سهل يروح سها
    انما الى بيطلع بطلوع العين
    بنحافظ عليه اكتر

    ReplyDelete
  7. نسيت اكتب اسمي بس يبدو انك تعرفتيني علطول :) بخصوص العذاب .. انا شايفة ان احيانا العذاب بيبقى اشارة من ربنا انك تغير هدفك لان كل حاجة وليها تمن مفروض متزدش عنه

    ReplyDelete
  8. يبدو ان الصدف معك لن تنتهى ابدا

    عندما قمت بأستعراض ملفك وجدت 3 مفاجأت جديدة

    المفاجأة الاولى

    انك من الاسكندرية وانا ايضا

    المفاجأة الثانية

    انك تعملين فى كلية الفنون الجميلة

    وتلك الكلية لى معها ذكريات كثيرة (رغم اننى لم اكن من طلابها)

    وامر عليها يوميا فى طريقى الى عملى ...

    المفاجأة الثالثة

    ان عمرك 24 عام

    عندما يدخل احد مدونتك للمرة الآولى يعتقد انك مازالت طالبة تدرسين الفلسفة
    من كثرة حديثك عن الموضوعات الفلسفية وعن ارسطو وافلاطون

    بالتوفيق لكى يا ابنة مدينتى

    ReplyDelete
  9. ده على مر العصور الحب يذهب والعذاب هو من يبقى
    ولا
    فى أيامنا هذه فقط

    الحياة بدون الحب تكون مثل الصحراء الجرداء التى لازرع بها ولا ماء
    ولابد انا يكون الحب هو النتصر وهو من يبقى والعذاب مجرد ذكرى أليمة فكرة التفكير فيها تكون عابرة وتكون ثقيلة على النفس أو تكون مجرد فكرة تفكر من يفكر بها بلذة إنتصار حبه على عذابه
    أما إن كان فعلا العذاب هو من يبقى

    فالأفضل من هذا أن لايوجد حب من الأساس

    تحياتى لإحساس حضرتك الهادىء والمرهف

    ReplyDelete
  10. ده مش كومنت

    فينك من فترة مش بتشاركي عسى المانع خير بس متتاخريش :) عايزة اقرا حاجةةةةةةة

    ReplyDelete
  11. god of luck

    انا مفاجأتى ما تنتهيش
    و انا سعيدة بالكمنت بتاعك جدا
    و بالنسبة للفلسفة, انا كانت عقدتى الفلسفه ما كنتش فهماها
    لحد ما قريت رواية فى الفلسفة
    قلت اجمع افكارى و اشارك الناس يمكن افيد بحاجة
    ...............................
    المنسى

    سعيدة برايك جدا
    وبالنسبة لعلاقة العذاب بالحب
    انا فكرتى ببساطة
    ان احساسك بقيمة الشئ, بتبقى على قدر عذابك فى الحصول عليه
    و كذلك الحب
    الاحساس الذى يأتى ببساطة و بدون مجهود, يذهب سريعا وبدون مجهود
    ................................
    عزيزتى ايه

    و الله يا ايه كنت بصيف عقبالك كده
    و ده الى اخرنى
    بس ان شاء الله ارجع لقواعدى سريعا

    ReplyDelete
  12. الحب شئ جميل
    الانسان يعيش باحثا عن الحب
    ولما يلقاه بيولد مولود جديد اسمه
    *عذاب الحب
    وكل قصة حب وليها عذاب**
    وأكيد للعذاب ذكرى

    ReplyDelete