اليوم 3 أغسطس 2008 ,كان يوم حلقة دراسية لاسم موضوع رسالتى لدرجة الماجستير
.................................................................
وجة كئيب اخر من الحياة
.................................................................
انت كلامك كتير
انت فاكرة نفسك مذيعة
الموضوع قتل بحثا
فكرى فى موضوع تانى احسنلك
الموضوع ده مش داخل فى خطة البحث العلمى
امال فين المرشد الأكاديمى؟؟ - انا, بس لسه عارف النهاردة الصبح
Heating ل بدل Temperature اسمها
انت جاية تحاضرينا
فين فصول البحث؟ .... هى فين؟
ايه كل الخطوط دى؟!!! هو الموضوع عن الخطوط
ايه ده؟ انتى هتقعدى تقوليلنا فى تعريفات
..................................................................
مجرد تسجيل لحظى, لا يعنى احد غيرى, اما الرد فداخلى, فلنتركه يموت رويدا رويدا
..................................................................
صور صور صور ........ ملعون ابو الصور على الفيديوهات
..................................................................
حاسه انى بتحول ببطء من شخص مدافع لبلدة لأخر يريد الهروب منها, و مش حابه التغير ده و خايفة منه
..................................................................
عذرا للكل, و لكنها جملة هربت من قلبى و نطرها لسانى براه
"انا مش بعمل موضوع لأطفال فى حضانة , عشان يبقى مليان صور, انا المفروض انى بكلم اساتذه, يعنى لو اتكلمت ساعتين نظرى, مفروض يبقوا فاهمين
.................................................................
لأول مرة النهاردة, ابقى خايفة قوى كده و انا بناقش, صوت مرعوش, عيون مدمعة, لجلة فى الكلام, فرك فى الايد بطريقة متوترة
.................................................................
احب أشكر ايمان صالح - ملاكى - لتهوينها الأمور على
و م. ريهام و م. احمد حسن, وم. هانى, لنقدهم البناء
و اشكر د. نيفين, لعقلها المتفتح و الحاضر, لمحاولتها ايجاد مخرج مفيد لظلمة النقد الى كنا فيها
و اعتذر من د. ابتسام, للجملة الى فلتت من على لسانى
و اعتذر من د. ابتسام, للجملة الى فلتت من على لسانى
و اخيرا نهلة و شيماء, لأيمانهم بى و رفعهم من روحى المعنوية
.................................................................
كرهت شعورهم بضعفى اليوم
.................................................................
انا مش زعلانة, بس متغاظة
.................................................................
حكمة اليوم: لا تقاتل فى معركة خاسرة, ولا تجادل من لا يسمع
.................................................................
اه قبل ما امشى
احب ان اذكر انه تم رفض موضوع البحث
مش نهاية العالم
ReplyDeleteمش نهاية الكون
الكون مفتوح
صفر زقزق غرد
أوعى فى يوم تتلجم
أوعاك تسكت
أوعاك تبطل تحلم
أوعاك تبطل تتعلم
أوعاك تبطل تتحرك
أوعاك تبطل تتألم
بكرة أكيد أحسن
ماأصابك لم يكن ليخطءك وما أخطائك لم يكن ليصيبك
والناس عندنا دايما نظرتهم سطحية حتى ولو كانوا أساتذة جامعة
إحنا الطلبة كمان ساعات بنحس بده
اكيد بكرة احسن
ReplyDeleteبس دا مايمنعش ان الواحد يحزن من وقت لاخر
يصدم
يبكى
و يرجع يفوق
بس اكثر قوة و خبرة
و شكرا على تعليقك
لانه اثر معايا كتير
لا تحزن على ما فات
ReplyDeleteواجتهد فيما هو ات
وان شاء الله يكون خير ةتوصلى لموضوع احسن
أنسى اللى فات و خليك فى بكره
ReplyDeleteفكر فكر دى الحياة كده
اضحك للدنيا تضحكلك
متبطلش تحلم ده لو بطلنا نحلم نموت
بكره أكيد أحسن
ايه يعنى موضوع متفهمش
بكره نفكر فى موضوع أحسن