Tuesday, September 23, 2008

رحلة للقمر



جالى حبيبى بعد طول غياب
بأيديه فاضية و قلب بغيرى دفيان
حسيت كأنى بعد رحلة للسما, و ضنا و حرمان
لقيت القمر ما بين ايدايا داب
فقعدت اعيط و انشف دمعتى بكمى
نمت, و صحيت
لقيت عينايا صابها الألتهاب
و عجبى

5 comments:

  1. و ما نابنها غير الالتهاب :)



    حلوة اوي يا هوبيز بس السطر اللي بيقول ايديه فاضية وقلب بغيري دفيان عايز حاجة... ممكن ناقصه الوقع الموسيقي اللي في باقي الرباعية و ممكن كان عايز تعبير آخر عن انه فيه حد تاني بدون تصريح :)
    لكن في المجمل رباعية جميلة


    ابقى انا ثابتة على رايي:):) استمريييييييييي
    عارفة الاعلان اللي بيقول سنكرز, لا توقف

    ReplyDelete
  2. تعفى انى انا كمان مش مرتاحاله
    بس معرفتش اتصرف فيه
    ده على فكرة بعد التعديل كمان
    و اصل بينى و بينك انا كنت مستعجلة و نازلة و انا بكتبها
    بأتكروتت كتير
    يالا بقى خيرها فى غيرها ان شاء الله
    على فكرة يا ايه لو بتحبى تقرى رباعيات
    طبعا مش هقولك صلاح جاهين
    ده بديهى جدا
    بس فى واحد قديم قوى اسمة ابن عروس
    يجنن
    دورى عليه هيعجبك موووت

    ReplyDelete
  3. يا بنتي احلى شغل بتاع الكروتة ده
    بيبقى من القلب, احلى قصص كتبتها كانت وانا مستعجلة ومش وقت كتابة خالـــــص

    ReplyDelete
  4. وبخصوص الرباعيات , انا بحبها اويييييييييي

    ReplyDelete
  5. خلاص بجد دورى على ابن عروس
    و اللذي1 فيه انه بالعامية قوى
    و ان الراجل ده قديم جدا
    يعنى مش معاصر
    فتستغلابى على اللغة العامية انها موجوده من زمان كده
    و بالمناسبة يا ايه انا رديت على موضوع الاغنية برع على الشات بوكس

    ReplyDelete